Deklaratat e kryeministrit Edi Rama në panelin “Ballkani Perëndimor – Bashkimi Europian” në Londër kanë shkaktuar jehonë të madhe në mediat britanike, të cilat i kanë cilësuar si “komente shpërthyese” ndaj vendimit të Mbretërisë së Bashkuar për t’u larguar nga Bashkimi Europian.

Në fjalimin e tij, Rama tha se marrëveshja e Brexit-it e çoi Anglinë në depresion, duke shtuar me ironi se:

“Ju e latë Evropën sepse donit më shumë lumturi – tani jeni në depresion.

Ju e latë Evropën sepse donit më pak anije – tani keni më shumë anije.

Ju e latë Evropën sepse donit më shumë investime – tani keni më pak.”

“Daily Express” shkruan se Rama i quajti anijet me emigrantë “anijet e Brexit-it”, ndërsa “The Mirror” thekson se ai u tha kritikëve të shqiptarëve të ‘mbyllin gojën’ (Shut the f* up)**, duke ironizuar ish-sekretaren e Brendshme britanike Suella Braverman.

Ndërkohë, një burim nga Ministria e Brendshme britanike, i cituar nga “Daily Express”, reagoi ashpër duke thënë se:

“Edi Rama nuk ka idenë për çfarë po flet. Nëse do ta bënte vërtet punën e tij, shqiptarët nuk do të iknin në turma drejt Mbretërisë së Bashkuar.”

Mediat britanike nënvizojnë se Rama vlerësoi qeverinë laburiste për politikat më të balancuara ndaj emigracionit, duke e krahasuar atë me “poezinë e opozitës” konservatore.

Fjalimi i tij, i mbajtur në kuadër të Samitit të Berlinit në Londër, pritet të komentohet gjerësisht edhe gjatë ditëve në vijim, ndërsa takimi me kryeministrin britanik Keir Starmer do të fokusohet në luftën kundër kontrabandës së emigrantëve dhe bashkëpunimin ekonomik mes vendeve,