Katër persona u vɾanë dhe 14 të tjerë u pIagosën nga të shtënat masive të mërkurën në mbrëmje në Çikago. Masakra shp’ërtheu në lagjen River North, në bllokun 300 të West Chicago Avenue, kur një automjet u afrua dhe një person i aɾmatosur hapi zjarr ndaj një turme që qëndronte jashtë.

Më pas mjeti është larguar menjëherë nga vendi i ngjarjes dhe nuk ka asnjë person të arrestuar. Policia ka bërë të ditur se dy burra dhe dy gra janë të vrarë dhe disa nga të plagosurit janë në gjendje kritike.

“Kur mbërrita mbrëmë, ishte një kaos absolut. Nga njerëzit që bërtisnin, te gjaku në rrugë, te njerëzit që shtriheshin në rrugë, një prani masive policore. Thjesht e tmerrshme. Më shumë seç kam parë ndonjëherë,” tha një nga policët.

Autoritetet thonë se në spital u bë situatë kaotike, pasi familjarët kërkonin njerëzit e tyre. Viktimat e plagosura janë të gjitha në të 20-tat dhe 30-tat e tyre dhe 11 nga 14 personat e plagosur janë gra.

“Me sa duket ka pasur ndonjë festë për lançimin e albumit, njerëz që vijnë nga aty. Një SUV ndalet dhe hap zjarr mbi një turmë njerëzish. Mund të ndodhë kudo, Është shkatërruese,” tha më tej polici.