Një aksident rrugor ka ndodhur rreth orës 14:50 në aksin rrugor Shkodër–Lezhë, pranë zonës së Kryebushatit, ku janë përfshirë tre automjete.

Sipas njoftimit të Policisë së Shkodrës, shtetasi T. K., 42 vjeç, duke drejtuar kamionin e tij, dyshohet se ka humbur kontrollin mbi automjetin, duke shkaktuar përplasjen fillimisht me automjetin e drejtuar nga A. S., 63 vjeç, dhe më pas përfshirjen në aksident edhe të automjetit me drejtues shtetasin Gj. B., 37 vjeç.

Si pasojë e përplasjes, shtetasi Gjin Bzhangaj ka ndërruar jetë në Spitalin Rajonal të Shkodrës. Nga aksidenti janë plagosur bashkëshortja e tij, J. B., 32 vjeçe, dhe dy fëmijët e mitur që ishin pasagjerë në të njëjtin automjet. Të plagosurit ndodhen jashtë rrezikut për jetën.

Në vendngjarje kanë mbërritur forca të shumta policie dhe autoambulanca, të cilat kanë transportuar të plagosurit për ndihmë mjekësore. Grupi hetimor vijon punën për zbardhjen e plotë të rrethanave dhe përcaktimin e shkakut të aksidentit.

Njoftimi i policisë:

Shkodër / Informacion paraprak

Rreth orës 14:50, në aksin rrugor “Shkodër – Lezhë”, ka ndodhur një aksident rrugor ku janë përfshirë tre automjete.

Shtetasi T. K., 42 vjeç, duke drejtuar kamionin e tij, dyshohet se ka humbur kontrollin mbi drejtimin e automjetit dhe si pasojë automjeti është përplasur fillimisht me automjetin me drejtues A. S., 63 vjeç, dhe më pas është përfshirë në aksident edhe automjeti me drejtues shtetasin Gj. B., 37 vjeç.

Si pasojë e përplasjes, ka ndërruar jetë në Spitalin Rajonal Shkodër shtetasi Gj. B., ndërsa janë dëmtuar bashkëshortja e tij, shtetasja J. B., 32 vjeçe, dhe dy fëmijët e mitur, pasagjerë në të njëjtin automjet. Të dëmtuarit ndodhen jashtë rrezikut për jetën.

Grupi hetimor vijon punën për zbardhjen e plotë të rrethanave dhe përcaktimin e shkakut të aksidentit.