Mira Konçi dhe Shpëtim Saraçi njiheshin si një çift ikonë, por i dhanë fund martesës së tyre pas 25 vitesh së bashku.

Artistja vendosi të qëndronte në SHBA me dy fëmijët e tyre, ndërsa kompozitori u rikthye në Shqipëri për të vazhduar me projektet muzikore.

Duket se ishte pikërisht ky vendim i Shpëtim Saraçit që solli edhe ndarjen e tyre të bujshme, duke sjellë edhe fundin e martesës shumëvjeçare.

Mira Konçi ka folur për herë të parë lidhur me vendimin e tyre, duke thënë që s’ishte dakord që ish-bashkëshorti i saj të rikthej në Shqipëri.

“U pa gjatë rrugës që Shpëtimi ndihej më mirë në Shqipëri dhe u vendos një marrëveshje e tillë, nëse e quajmë marrëveshje, që unë nuk mund t’i lija fëmijët në mënyrë absolute vetëm në asnjë mënyrë, s’mundesha.

Nuk ishin fare-fare të vegjël, por ishte mosha më kritike nuk mundesha, qoftë Drinin, Era sapo mbaroi shkollën, duhet të isha aty për Erën, mezi e prisnim atë moment. Drini ishte në vit të dytë të shkollës së mesme, ishte e pamundur që ta lija vetëm.

Një gjë kaq e natyrshme, s’mund të veproja dot ndryshe dhe kështu erdhi.

Sigurisht që Shpëtimi këtu kishte ndërtuar gjithçka në Shqipëri dhe absolutisht që është deri diku e kuptueshme, pavarësisht se unë s’isha shumë dakord, doja që ne të rrinim bashkë”, u shpreh ajo në emisionin “Rudina”.