Autoritetet greke kanë publikuar një video me kohëzgjatje rreth 35 minuta, në të cilën janë regjistruar fjalët e fundit të 75-vjeçares që u vra nga nusja e saj në Salaminë.

Në këtë material dëgjohen qartë kërcënimet e 46-vjeçares, si edhe lutjet e viktimës që ajo të ndalonte sulmin.

Televizioni MEGA publikoi një pjesë të dialogut mes të moshuarës dhe nuses së saj pak para se të ndodhte krimi, ku 75-vjeçarja besonte se personi që kishte hyrë në shtëpi ishte burrë:

Nusja 46-vjeçare: (me zë të rëndë) “Ku janë lekët, jepmë lekët!”

Vjehrra 75-vjeçare: “Të lutem, biri im, mos më bëj dëm.”

Nusja: “Ku janë lekët?”

Vjehrra: “Të lutem, biri im, mos më bëj dëm. Merr çfarë do dhe ik.”

Nusja: (…)

Vjehrra: “Biri im, a nuk ke nënë?”

Nusja: (…)

Vjehrra: “Do të më vrasësh? Merre çfarë të duash dhe lëre të jetoj…”

Sipas informacioneve, disa orë pas vrasjes, 46-vjeçarja, duke dashur të krijojë një alibi , dyshohet se i ka dërguar vjehrrës një mesazh në celular ku i shkruante “Mami, je mirë?”.

Pasi komunikimet telefonike u deklasifikuan, u përcaktua se mesazhi ishte dërguar nga autorja e vrasjes.

Sipas protothema.gr, 46-vjeçarja kishte ka fikur përkohësisht kamerat në shtëpinë e saj në orët e para të mëngjesit të krimit, me qëllim që autoritetet të mos përcaktonin kohën kur ishte larguar dhe ishte kthyer në banesë.

Në fakt, ajo i kishte thënë familjes se energjia elektrike ishte ndërprerë për disa orë në mëngjesin fatal.

Siç kishte pohuar gruaja, e kishte kaluar natën në shtëpinë e saj, ndërsa burri i saj ishte në punë.

Ndërkohë 46-vjeçarja e kishte përgatitur vendin e krimit në një mënyrë që të dukej si një grabitje. Pasi e goditi me thikë, ajo e mbuloi shpejt vjehrrën me një batanije, duke e lënë të vdiste në një pellg gjaku.

Vrasja brutale u krye në dhomën e gjumit të viktimës, ku u gjetën të hapura dy sirtarë.