Një qytetare i është drejtuar redaksisë së JOQ Albania për të denoncuar një fenomen shqetësues që, sipas saj, po përsëritet pothuajse çdo ditë në zonën e Komunës së Parisit, te Pallatet e Dulakut.

Ajo thotë se problemi lidhet me përdorimin e vazhdueshëm të borive, parkimet e papërgjegjshme që bllokojnë rrugën dhe konfliktet që lindin mes banorëve për shkak të kësaj situate.

Në videon e dërguar në redaksi, shihet një përplasje verbale mes një burri dhe dy grave që kanë parkuar automjetet në zonë. Debati agravon deri në përplasje fizike mes burrit një njërës prej grave, ndërsa gjatë konfliktit dëgjohen edhe fjalë banale.

Sipas qytetares, përdorimi i borive nis që në orët e para të mëngjesit, duke prishur rëndë qetësinë publike, ndërsa rruga shpesh zëhet nga automjete të parkuara në mënyrë të gabuar, gjë që e bën situatën edhe më problematike.

Ajo shprehet se banorët janë të shqetësuar, pasi këto përplasje po kthehen në një dukuri të shpeshtë dhe krijojnë pasiguri në lagje. Sipas saj, policia është njoftuar, por ndërhyrja mungon.

Denoncimi i qytetares:

“Dua të paraqes një ankesë lidhur me situatën shqetësuese që po përsëritet thuajse çdo ditë në zonën e Komunës së Parisit, Pallatet e Dulakut. Problemi kryesor lidhet me përdorimin e vazhdueshëm të borive të makinave, zënien e rrugës nga mjete të parkuara në mënyrë të papërgjegjshme dhe konfliktet verbale dhe fizike mes banorëve. Ndërsa përdorimi i borive nis që në orët e para të mëngjesit, duke prishur rëndë qetësinë publike. Situata agravon më tej me përplasje verbale dhe fizike mes personave, gjë që krijon pasiguri për banorët e zonës. Edhe pse është njoftuar policia, ndërhyrja mungon. Ju lutem, kërkojmë që të merren masa konkrete për zgjidhjen e kësaj situate, përpara se të ndodhin ngjarje më të rënda.”