Shtëpia e “Big Brother VIP Kosova” do të kthehet në një ambient festiv këtë të diel, pasi është njoftuar zyrtarisht organizimi i një dasme që do të nisë në orën 21:00. Këtë herë, dinamika e eventit do të përcaktohet drejtpërdrejt nga publiku. Pas zgjedhjeve fillestare të bëra nga Dolce, “regjia” për formimin e çifteve të mbetura u është lënë në dorë ndjekësve përmes komenteve në rrjetet sociale.
Pika më e nxehtë e debatit virtual mbetet Elijona, e cila është kthyer në “mollën e sherrit” mes fansave. Rrjeti është ndarë në dy grupe: një pjesë e konsiderueshme kërkon ta shohë atë krah Klodit, ndërsa të tjerë insistojnë fort që partneri i saj në dasmë të jetë Londrimi.
Gara mbetet e hapur dhe verdikti përfundimtar, së bashku me surprizat e tjera të kombinimeve, do të zbulohet zyrtarisht nesër gjatë spektaklit “Prime”.
