Hyrja e Luiz Ejllit në “Big Brother VIP Albania 5” tashmë është një fakt i kryer dhe konfirmimi përfundimtar ka ardhur nga dy figurat kryesore të formatit, moderatori Ledion Liço dhe producentja Sara Hoxha.
Pas publikimit të videos ku Luizi shfaqej në dhomën e rrëfimit, Ledion Liço e ka shpërndarë menjëherë këtë moment në profilin e tij zyrtar në Instagram.
Postimi, i cili është një bashkëpunim (collab) me Top Channel, shfaqet tashmë në “feed-in” e moderatorit, duke vulosur rikthimin e fituesit të BBV2.
Nga ana tjetër, Sara Hoxha ka qenë ajo që ka zbuluar detajin kohor. Përmes një postimi në Instastory, ajo ka rishpërndarë videon virale duke e shoqëruar me diçiturën në anglisht: “Someone’s back tomorrow” (Dikush rikthehet nesër).
Me këtë konfirmim të dyfishtë, pritja merr fund: Luizi do të jetë nesër mbrëma sërish në shtëpinë më të famshme në Shqipëri, gati për të trazuar ujërat me deklaratën e tij se “tani luftohet vetëm për vendin e dytë”.
