Kryeministri Edi Rama u shpreh sërish kundër kërkesës së gjyqtarëve dhe prokurorëve, të përfaqësuar nga shoqatat e tyre, të paraqitur në Gjykatën Kushtetuese për referencën e pagave, e cila do të sillte rritje të mëtejshme të rrogave.

Duke folur në podcastin “Flasim”, episodi i pestë i sezonit të gjashtë, Rama u shpreh se “gjyqtarët kërkojnë qiqra në hell” dhe theksoi se “Shqipëria nuk mund të kthehet në një kastë gjyqtarësh”.

Ai sqaroi se rritja e pagave për një kategori të caktuar magjistratësh, përfshirë prokurorët dhe gjyqtarët specialë, u vendos në kuadër të reformës në drejtësi, me synim garantimin e pavarësisë së gjyqësorit dhe përmirësimin e cilësisë së drejtësisë. Megjithatë, Rama theksoi se kjo masë nuk kishte për qëllim përmbysjen e gjithë piramidës së pagave në sistem.

“Përsëri çështja e pagave të gjyqtarëve ka qëndruar në rendin e ditës, ka pasur komente, çudira që e kanë shoqëruar debatin, përves dy shoqatave një gjyqtarësh e prokurorësh, gjykatësit janë vetëvendosur në syrin e ciklonit popullor, në lidhje me një pakënaqësi popullore, për kërkesën e rritjes së pagave, kjo e lidhur me anketimin e brendshëm ku 90% janë kundër rritjes së pagave dhe një pjesë mendojnë t’u ulet paga, sepse janë të pamenduara dhe të padrejta. Ndërkohë që gjykatësit mendojnë tu rritet paga.

Zërat thonë se pagat e tyre po ulen, se pagat e të tjerëve po rriten. Ajo që kemi bërë për reformën në drejtësi ka qenë shprehja e vullnetit të fortë në lidhje me pagat e tyre, do paguhet ekstra me sakrificën tonë, se pasi të kalojnë vettingun do përballen me pavarësinë e pushtetit gjyqësor, sfidën, bazuar në vlerat e kushtetutës, jetës demokratike, në shërbim të qytetarëve dhe garant të shërbimit të ligjit.

Dhe këtë bëmë duke e kthyer piramidën e pagave, pasi në çdo vend të botës ka piramidë pagash që nis me presidentin dhe zbret. Kurse ne në mënyrën më të vetëdijshme, pagat e gjyqtarëve i rritëm mbi të gjithë, por nuk i vendosëm mbi të gjithë, që sa herë do rriten këto, do rriten edhe këto.

Dhe Shqipëria të bëhet vendi i vetëm në planet ku është vendi i gjykatësve apo kasta e tyre, kjo nuk do ndodh dhe nuk mund të ndodh as me mua dhe as me socialistët. Kjo jo si sfidë ndaj pushtetit gjyqësor, por si një thirrje e domosdoshmëri e brendshme e shtetit që kategoritë brenda tij, përfshi edhe gjykatësit të kenë sensin e të drejtës dhe të shtetit, duke mos kërkuar qiqra në hell e aq më tepër duke mos përdorur gurin e arrën për një ligj që e kanë bërë vetë.

Ndërkohë që jam sulmuar personalisht, u sulmua qeveria nga autorët e deklaratës së gjyqtarëve, nuk jam konsultuar me gjyqtarët për tekstin, për t’u thënë çfarë po bëni jemi këtu për të bërë drejtësi dhe jo për të sulmuar qeverinë apo republikën.

Pozitive është se s’ka pasur reagim të reagimit tim, s’dua polemikë por duhet thënë se nuk mund të ketë rritje page për gjykatësit apo ta rrisin me 2 apo 3 mijë euro apo ta kenë më të lartë se të tjerët. Është mirë që gjyqtarët t’i japin fund këtij debati pa rrugë sepse dëmton edhe vetë gjykatësit, sepse ka një përfaqësi.

Ndaj ne jemi kundër dhe fuqimisht kundër, kundër idesë, ku alla shqiptarçe nuk ndodh në asnjë vend demokratik”, tha Rama,