Një qytetar i është drejtuar redaksisë së JOQ Albania për të denoncuar një rast mashtrimi që mund të rrezikojë seriozisht shëndetin e konsumatorëve.
Ai tregon se ka porositur një kavanoz mjaltë online nga një faqe në Kosovë, e cila garantonte për cilësinë dhe origjinalitetin e produktit. Por ajo çka mori ishte, sipas tij, një përzierje me sheqer.
“Jam diabetik. Nëse nuk do e kisha kuptuar në kohë, më rrezikonte jetën,” shprehet qytetari, i cili ka dërguar edhe bisedën me faqen ku ata premtojnë cilësi dhe përgjegjësi të plotë për produktin.
Ai thotë se kreu disa prova që treguan se mjalti nuk ishte aspak natyral, dhe për këtë arsye kërkoi rimbursim. Por pas kërkesës, faqja nuk i është përgjigjur më.
“Ju lutem publikojeni, se të tjerët e blejnë me lekë dhe nuk e dinë rrezikun që marrin mbi shëndetin e tyre,” thotë ai.
JOQ Albania do të vijojë të denoncojë raste të tilla që prekin shëndetin dhe xhepat e qytetarëve.
