Ministria e Punëve të Brendshme ka njoftuar se për shkak të përhapjes së shpejtë të zjarrit në rajonin e Bllacës, është ndërprerë tërësisht qarkullimi rrugor në drejtimin Stenkovec – Vendkalimi Kufitar Bllacë, në të dy drejtimet. Si masë shtesë sigurie, është mbyllur përkohësisht edhe kufiri i Bllacës.
Sipas MPB-së, në bashkëpunim me institucionet përkatëse, janë ndërmarrë masa për lokalizimin dhe shuarjen e zjarrit.
Ministria u bën apel qytetarëve që të shmangin lëvizjen drejt këtij vendkalimi kufitar deri në normalizimin e situatës. MPB thekson se do të informojë me kohë opinionin publik për zhvillimet e mëtejshme.
