Një çast i papërshtatshëm buzëqeshjeje në sallën e gjyqit i kushtoi rëndë një të riu amerikan.

Danta Wright, i cili ishte shpallur fajtor për vr asjen e adoleshentit 18-vjeçar Jordan Klee gjatë një tentative për grabitje në vitin 2016, u dënua me plot 285 vite burg, pasi gjykatësi u zemërua nga sjellja e tij gjatë shpalljes së vendimit.

Gjatë seancës, ndërsa familja e viktimës lexonte deklaratat emocionale për humbjen e Jordanit, Wright u pa duke buzëqeshur dhe qeshur lehtë. Kjo e zemëroi gjykatësin, i cili i tha:

“Të shoh duke buzëqeshur aty… Ne mund ta çojmë këtë në gjyq dhe nëse shpallesh fajtor për vrasje të shkallës së parë, do të përfundosh në burg për gjithë jetën. Nuk do ta shohësh më kurrë familjen tënde. Do të vdesësh atje. Dhe kjo është ajo që jam i tunduar të bëj.”

Pas këtij momenti, gjykatësi vendosi të mos e pranojë më marrëveshjen e mëparshme të fajësisë dhe e dënoi Wright nga 25 vite në 285 vite bu rg, duke e konsideruar sjelljen e tij si mungesë pendese dhe mosrespekt ndaj viktimës dhe familjes së tij.

Dy të rinjtë e tjerë të përfshirë në rast – Jermarius Ellison dhe Delrano Gracey – u dënuan secili me nga 15 deri në 40 vite burg, pasi pranuan fajin për përfshirjen në grabitje.