Një aksident i rëndë ka ndodhur sot (27 maj) në orën 7:44 të mëngjesit, në Arezzo të Italisë, ku një 39-vjeçar, me origjinë shqiptare, u përplas nga një makinë ndërsa po ecte përgjatë skajit të rrugës.
Shqiptari u përplas për vdekje nga një automjet i drejtuar nga një 19-vjeçar.
Shoferi i makinës dyshohet se ka humbur kontrollin e mjetit për arsye që ende nuk dihen. Sipas rindërtimeve fillestare, makina doli nga rruga, duke goditur ballë për ballë këmbësorin.
Përplasja ishte aq e dhunshme sa nuk i la asnjë shans mbijetese viktimës, i cili vdiq në vend para se të merrte ndihmë.
Gjendja e trupit të këmbësorit dhe dinamika e saktë e aksidentit do të jenë objekt i hetimeve të thelluara.
Fakti që shoferi është një shofer i ri në moshë rrit më tej vëmendjen e hetuesve, të cilët po vlerësojnë gjithashtu çdo përgjegjësi që lidhet me shpejtësinë, shpërqendrimet ose kushtet e rrugës në kohën e aksidentit.
