Haribo po tërheq nga tregu pakot me ëmbëlsira në Holandë, sepse disa prej tyre kishin kanabis.
Disa persona raportuan se ndiheshin keq pasi hëngrën nga një pako “1 kg Haribo Happy Cola F!ZZ”. Zëdhënësi i organit të sigurisë ushqimore në Holandë (NVWA) tha se disa kishin raportuar “marrje mendsh” pasi kishin ngrënë haribot.
Agjencia i tha transmetuesit holandez “SBS6” se pas raportimeve, morën mostra dhe në to u gjet kanabis.
NVWA-ja tha se tre pako u gjetën të kontaminuara, por Haribo po tërheq të gjithë stokun e saj e shpërndarë në treg si masë paraprake, ndonëse produkti ka datë skadimi deri në janar 2026.
Tërheqja e produkteve po bëhet vetëm në Holandë, ndërsa shtetet e tjera nuk u prekën.
Edhe pse hetimet kanë nisur, ende nuk është e qartë se sa njerëz janë sëmurë.
