Një video e re e publikuar nga një grup rafting në lumin Colorado ka ndezur rrjetin me pretendimin se ka kapur në kamera krijesën legjendare Bigfoot.

Pamjet, të regjistruara nga ekipi i “Colorado River Expedition”, tregojnë një figurë të madhe, të mbuluar me qime, që ecën në dy këmbë në një kodër të pyllëzuar.

“Fillimisht menduam se ishte ari,” tha udhërrëfyesi Logan Kirk për DailyMail.com. “Por kur e pamë më mirë, u kuptua që nuk ishte. Ishte diçka tjetër, e qartë që ecte në dy këmbë.”

Figura ndalet mes dy pemëve, kthen kokën drejt kamerës dhe më pas zhduket në pyll.

Kirk ka thënë se do të rikthehen në zonën ku u filmua figura, në përpjekje për të gjetur prova si gjurmë këmbësh apo shenja të tjera. “Do ta hetojmë seriozisht. E dimë që ka shumë mashtrime, por nuk mund të përjashtojmë asgjë pa prova,” shton ai.

Ky nuk është rasti i parë që Kolorado përmendet në kontekstin e Bigfoot. Vetëm që nga marsi i këtij viti janë raportuar mbi 100 raste të ngjashme. Kjo krijesë mitike, e quajtur ndryshe edhe Sasquatch, ka rrënjë të lashta në folklorin e komuniteteve indigjene të Amerikës së Veriut.

Më e famshmja mbetet videoja e vitit 1967 nga Patterson-Gimlin, e cila mbetet ende sot një nga dëshmitë më të diskutueshme për ekzistencën e Bigfoot.

Por shumë njerëz pyesin: “Pse gjithmonë janë pamje të paqarta dhe të largëta?” — një pyetje që mbetet pa përgjigje për dekada.