Sulmuesi i Barcelonës, Lamine Yamal, është parë me pushime me një asistente fluturimi 13 vite më të madhe se ai.
Yamal, 17 vjeç, aktualisht po kalon një pushim të merituar pas përformancës së jashtëzakonshme sezonin e kaluar, raporton Daily Mail.
Ai ka zgjedhur të kalojë kohën me asistenten spanjolle dhe influenceren, Fati Vazquez, e cila është 30 vjeçe.
Yamal dhe Vazquez kanë postuar foto nga i njëjti vend në Itali ditët e fundit, ku çifti po shijonin një pushim luksoz që përfshin udhëtim me varkë, relaksim pranë një pishine dhe fluturim me helikopter.
Megjithatë, Yamal ka mohuar se ata janë çift pasi ka folur me ekspertin e thashethemeve Javi de Hoyos. /Isna
