Një aksident ka ndodhur pak minuta më parë në afërsi të QTU-së, në autostradën Tiranë-Durrës. Pamjet që kanë mbërritur në redaksinë e JOQ Albania tregojnë disa automjete të përfshira në aksident dhe një situatë kaotike në rrugë.
Sipas qytetarit që ka dërguar videon, në përplasje janë përfshirë disa makina dhe është krijuar trafik në autostradë. Për momentin nuk ka informacion zyrtar nëse ka persona të lënduar.
Drejtuesit e mjeteve që kalojnë në këtë segment të jenë të kujdesshëm dhe të lëvizin me ngadalë.
Jemi në një periudhë me temperatura të larta, vera ka sjellë më shumë lëvizje në rrugë, lodhje dhe shpërqendrim. Ju lutemi drejtoni me kujdes, shmangni shpejtësinë dhe ruani distancën, pasi një çast pakujdesie mund të marrë jetë.
