Policia ka gjetur 381 kufoma të grumbulluara në një krematorium privat në Ciudad Juarez të Meksikës veriore, tha zyra e prokurorit lokal, duke ia atribuar zbulimin e tmerrshëm neglizhencës.

“Paraprakisht, kemi 381 trupa që u depozituan në mënyrë të çrregullt në krematorium, të cilët nuk u dogjën,” tha për AFP-në Eloy Garcia, zëdhënës i zyrës së prokurorit të shtetit Chihuahua.

Garcia tha se kufomat ishin “të grumbulluara” pa ndonjë rend të dukshëm në dhoma të ndryshme të ndërtesës ku vepron krematoriumi.

Ato “thjesht u hodhën kështu, pa dallim, njëra mbi tjetrën, në dysheme,” tha ai.

Të gjithë trupat ishin balsamosur. Autoritetet vlerësuan se disa nga mbetjet mund të kenë qenë atje deri në dy vjet. Sipas raportimeve të mëparshme të lajmeve lokale, në vendngjarje u gjetën 60 trupa.

Në vend të hirit, të afërmve iu dhanë “materiale të tjera”, tha Garcia.

Garcia pretendoi “pakujdesi dhe papërgjegjësi” nga pronarët e krematoriumit, duke shtuar se të gjitha bizneset e tilla “e dinë se cili është kapaciteti i tyre i përditshëm i kremimit”. “Nuk mund të pranosh më shumë sesa mund të përpunosh”, tha ai.

Një nga administratorët e krematoriumit ishte dorëzuar tashmë te prokurorët. Autoritetet nuk specifikuan nëse kufomat u përkisnin viktimave të dhunës kriminale, do t’iu jemi mirenjohes nese do te na ndihmonit që të mirmbajmë faqen vetëm duke shtypur(mbi foton) që ndodhet më poshtë.Faleminderit për mirkuptimin