Një vajzë 10-vjeçare nga SHBA humbi jetën dje në oborrin e Pallatit të Versajës në Francë, pasi i ra të fikët për shkak të temperaturave të larta, teksa ndodhej për vizitë me prindërit e saj.

Sipas burimeve policore për gazetën Le Figaro, vogëlushja kishte shfaqur shenja lodhjeje dhe ishte ankuar për nxehtësinë pak para se të humbte ndjenjat, rreth orës 18:20 të mbrëmjes.Burimi shton se vajza vuante nga çrregullime të spektrit të autizmit, por nuk kishte ndonjë problem të njohur me zemrën. Pavarësisht përpjekjeve për ndihmë mjekësore në vendngjarje, ajo nuk arriti të mbijetonte.Autoritetet franceze kanë njoftuar se do të hapet një hetim për të përcaktuar shkaqet e sakta të vdekjes, ndërsa rasti ka rikthyer vëmendjen te rreziku i valëve të të nxehtit dhe nevoja për mbrojtje të grupeve të ndjeshme gjatë temperaturave ekstreme.