Një aksident i rëndë rrugor është regjistruar pasditen e sotme në fshatin Gryk-Çajë, Kukës.

Burime bëjnë me dije se një makinë për arsye ende të panjohura ka dalë nga rruga.

Nga aksidenti ka mbetur i vrarë një 65-vjeçar, i cili ndërroi jetë rrugës për në spital.

“Në fshatin Gryk-Çajë, shtetasi L. Sh., 65 vjeç, banues në fshatin Çajë, dyshohet se ka humbur kontrollin mbi drejtimin e automjetit tip “Fiat”, dhe për pasojë automjeti ka dalë nga rruga”, njoftojnë blutë e Kukësit.

Njoftimi i policisë

Kukës / Informacion paraprak

Në fshatin Gryk-Çajë, shtetasi L. Sh., 65 vjeç, banues në fshatin Çajë, dyshohet se ka humbur kontrollin mbi drejtimin e automjetit tip “Fiat”, dhe për pasojë automjeti ka dalë nga rruga.

Drejtuesi i automjetit ka ndërruar jetë gjatë transportimit me ambulancë për në spital.

Grupi hetimor ndodhet në vendngjarje dhe po punon për sqarimin e plotë të rrethanave dhe shkakut të aksidentit.