Virgjëria – një tabu që vijon të mbijetojë në familjen shqiptare

Virgjëria ende mbetet një tabu e fortë në shoqërinë dhe familjen shqiptare. Megjithatë, nga pikëpamja mjekësore dhe anatomike, “virgjëria” nuk ekziston në mënyrën siç ajo konceptohet tradicionalisht. Bazuar në këtë fakt, Kolegji Mbretëror i Obstetërve dhe Gjinekologëve (RCOG) në Mbretërinë e Bashkuar ka publikuar një apel në British Medical Journal, duke i kërkuar qeverisë britanike të ndalojë praktikat e testimit të virgjërisë – procedura invazive, jo shkencore dhe shpesh traumatike, që synojnë të “verifikojnë” nëse një vajzë ka pasur marrëdhënie se ksuale.

Mjeku anestezist shqiptar, Skerdi Faria, u shpreh se nuk është aspak i befasuar nga ky qëndrim i një institucioni prestigjioz ndërkombëtar:

“Për fat të mirë që më në fund një institucion i tillë i dha vulën shkencore kësaj çështjeje. Këto janë mentalitete të vjetra që, fatkeqësisht, kanë rezistuar në kohë.”

Ai ka rrëfyer përvoja personale nga praktika e tij, ku ka pasur vajza të reja që kanë kërkuar të bëjnë të ashtuquajturin “qepje”, me shpresën për të rikthyer “virgjërinë” para martesës – kërkesa që shpesh kanë ardhur të shoqëruara nga familjarë, sidomos në zonat rurale.

“Ka pasur raste kur kemi ndërhyrë më shumë për arsye humanitare, për të qetësuar vajzat e dëshpëruara. Por kemi hequr dorë nga kjo procedurë, sepse marrëdhënia se ksuale e parë nuk shoqërohet gjithmonë me gjakderdhje, dhe kjo ide është thjesht një mit.”

Faria thekson se, megjithëse ua ka shpjeguar këtë realitet vajzave që kanë kërkuar ndihmë, mentaliteti dhe presioni shoqëror janë më të fortë se sqarimi shkencor:

“Ne ua kemi shpjeguar se virgjëria, në kuptimin biologjik, nuk ekziston. Por nuk mund të jemi më të fortë se mentaliteti i rrënjosur prej shekujsh. Këto vajza rriten me frikën e gjykimit dhe turpit.”

Ky diskutim i sjell edhe një herë në vëmendje nevojën për edukim s eksual të saktë, shkencor dhe të hapur, për të luftuar stigmat dhe mitet që shpesh dëmtojnë më shumë se ndihmojnë, veçanërisht vajzat dhe gratë e reja, do t’iu jemi mirenjohes nese do te na ndihmonit që të mirmbajmë faqen vetëm duke shtypur(mbi foton) që ndodhet më poshtë.Faleminderit për mirkuptimin SHQIPE