Deputeti Agron Shehaj ka postuar në rrjete sociale një video të kandidates për deputete të “Partia Mundësia” në Durrës, Jonida Meçe, e cila denoncon ndotjen e lartë të ujërave të Adriatikut.

Në video shihet vajza 4-vjeçare e kandidates, e cila e sapo dalë nga deti e trupi i saj është i mbuluar nga njolla të naftës.

Agron Shehaj e cilëson këtë ngjarje si një krim për turizmin duke vënë në diskutim punën e Ministrisë së Mjedisit dhe asaj të Turizmit, për mosreagim të derdhjes së naftës në det, një proces tashmë i ndaluar ligjërisht për dekada.

“Videoja që shikoni është bërë nga kandidatja jonë në Durrës, Jonida Ceçe. Sapo ka nxjerrë vajzën e saj 4-vjeçare nga deti dhe ka parë trupin e saj të mbuluar me njolla nafte. Ky nuk është problem sezoni turistik, është krim. Ky është krimi i vërtetë që nuk filmohet nga droni i Ramës për propagandën e tij të përditshme me turizmin. Ministria e Turizmit hesht, Ministria e Mjedisit nuk ekziston. Babëzinë e këtyre nuk e ndalin as fëmijët”, shkruan Shehaj në postim, do t’iu jemi mirenjohes nese do te na ndihmonit që të mirmbajmë faqen vetëm duke shtypur(mbi foton) që ndodhet më poshtë.Faleminderit për mirkuptimin SHQIPE