Një avion Airbus A321XLR i kompanisë ajrore Iberia u detyrua të realizojë një ulje emergjente ditën e diel, pas një përplasjeje me një zog vetëm pak minuta pas ngritjes nga aeroporti i Madridit.

Avioni, që ishte nisur drejt aeroportit Orly në Paris, pësoi dëmtime të konsiderueshme në pjesën e përparme si dhe në njërin prej motorëve, sipas pamjeve të publikuara në rrjetet sociale. Sipas informacioneve paraprake, bëhet fjalë për një nga avionët më të rinj në flotën e Iberia-s.

Incidenti ndodhi në fazën fillestare të ngritjes, kur zogu u përplas fillimisht me pjesën e përparme të avionit, përpara se të përfshihej nga motori i majtë.

Menjëherë pas incidentit, pilotët njoftuan kullën e kontrollit për një situatë emergjente, anuluan fluturimin dhe nisën procedurat për t’u kthyer në aeroportin e Madridit.

#BREAKING: Terrifying pictures show huge damage to front of Airbus ( Iberia Airbus A321-253NY) struck by bird after taking off from Spain

Flight IB579 to Paris Orly Airport returned approximately 20 minutes after departure from Madrid. pic.twitter.com/I4zSjhj1aP

— JUST IN | World (@justinbroadcast) August 3, 2025