I dashuri i gruas e plagosi me armë, motra e 40-vjeçarit tregon gjithë skenën

Një ngjarje e rëndë ndodhi pak ditë më parë në qytetin e Fierit, ku u plagos me armë zjarri 40 vjeçari Gledian Hoxhallari nga partneri i ri i bashkëshortes së tij, me të cilën ndodhet në proces divorci.

Autori Klement Beqaj, i cili së bashku me partneren e tij, Melisa Beluli Hoxhallari, janë shpallur në kërkim nga policia.

Në emisionin “Shqipëria Live” në Top Channel motra e tij mes lotësh ka rrëfyer të gjithë ngjarjen, ndërsa i vëllai sot po i nënshtrohet një tjetër ndërhyrje kirurgjikale në spitalin e Traumës, pasi gjendja e tij shëndetësore është në rrezik.

Ajo tha se prej disa javësh bashkëshortja e tij ishte larguar nga banesa dhe kishte nisur bashkëjetesën me partnerin. Sipas deklaratës së motrës, gruaja e 40-vjeçarit përmes manovrave kishte marrë urdhër mbrojtje prej tij në mënyrë që të merrte djalin e tyre, 9 vjeç.

“I vjen një telefon nga bashkëshortja, ku i thotë: Mos më kërko, se midis nesh gjendja është e rëndë dhe nuk mund të jetoj me ty. Më pas mëson se ajo kishte shkuar në shtëpinë e një personi tjetër, personi që ka plagosur vëllanë. Më 19 dhjetor kishte ikur nga shtëpia dhe më 20 kishte bërë kërkesën për divorc, dhe më 27 kërkesë për urdhër mbrojtje.

Vëllai erdhi dhe më shpjegoi, shumë i prekur, qante dhe i vinte keq për djalin dhe gjendjen që ishin. Atë ditë Melisa kërkoi të ikte në Greqi te prindërit. Gledi i kishte thënë që firmën do ia jepte vetëm vëllait të saj, sepse ka raport të mirë me familjen e saj.

Erdhi vëllai, e mori, ikën dhe më 28 u kthyen. Djali e mori Gledi dhe kaluam vitin e ri bashkë. Më 5 janar, të nesërmen, djali duhej të fillonte shkollën.

Djali komunikonte vetë me nënën dhe i kishte thënë: Atë ditë do vish të më marrësh për ta çuar më pas në shkollë. Ajo i kishte nxjerrë disa justifikime, etj. Ora ishte 9 e darkës dhe ishte në lokal me të atin. E merr dhe i thotë: A do vish të më marrësh, se ke gjithë ditën që më shmang? Dhe në atë moment, personi tjetër e shan me një fjalor të ndryrë djalin dhe vëllai e dëgjon”, ka rrëfyer ajo.

“Pas 10 minutash ata vijnë me makinë, vëllai jashtë lokalit, djali brenda. Ky ishte në telefon me ish-vjehrrën e tij dhe i thotë: Ok, se erdhi Melisa, e mbyll telefonin dhe shkon në lokal dhe i thotë djalit: Hajde se erdhi mami.

Ajo e shikon dhe i bërtet dhe i thotë: Shko merr xhupin. Më pas, pasi kishte dalë ish-bashkëshortja, del dhe ky personi tjetër. Vëllai shkon dhe i thotë atij: Hajde një sekond, dhe i thotë: Çfarë është ai fjalor që përdor ti me fëmijën tim? Ai i thotë: Unë përdor çfarë të dua…

Në atë moment, vëllai më tha: ‘Unë ngrita dorën dhe ai më qëlloi. Në atë moment, ish-gruaja i thotë: Hajde, hajde, ikim. Aty ngeli vëllai me djalin 9 vjeç. Vëllai ma tregoi gjatë transportimit te Trauma në ambulancë, se ishte i vetëdijshëm”, rrëfeu motra e 40-vjeçarit, i cili punon si operator në një televizion në Tiranë.”

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Related Posts

Tre shenjat më me fat të javës sipas Paolo Fox (15–21 Shtator 2025)

Këto janë tre shenjat që sipas yjeve kanë më shumë fat gjatë javës 15–21 shtator 2025: Luani, Virgjëresha dhe Gaforrja Kjo javë sjell energji të përziera, por…

Panik në plazh, ujku sulmon 3-vjeçaren

Një ngjarje tronditëse është shënuar në plazhin e Agios Nikolaos të Halkidiki, Greqi, ku një ujk ka sulmuar një vajzë 5-vjeçare. Sipas mediave greke, vajza është me…

‘Boom’ i frikshëm në tregun e pronave/ Të huajt ‘blejnë’ Shqipërinë, investojnë 135 milionë euro në 3 muaj

Investimet e huaja në Shqipëri po kanalizohen veçanërisht në blerje pasurish të paluajtshme, dhe jo më në sektorët tradicionalë si energjia, apo industria nxjerrëse. Banka e Shqipërisë…

Në Itali, edhe të huaj po e mësojnë gjuhen antike arbneshe (video)

Në Itali, edhe të huaj po e mësojnë gjuhen antike arbneshe (video) https://www.facebook.com/watch/?v=926021752437996

🌎🚨 SHOK NË SHBA – UFO G0DITET, MBETJET NUK PO GJENDEN! ÇFARË PO NDODH ME BOTËN? 🚨🌎 ( Video )

Një dëshmi tronditëse para Kongresit amerikan ka ndezur sërish debatet mbi jetën jashtëtokësore. Ish-ushtaraku i Forcave Ajrore, Jeffrey Nuccetelli, tregoi se një objekt fluturues i paidentifikuar iu…

“Çunat e rinj shkojnë me grαtë e…” dedektivja bên deklaratën e BUJSHME, zbulon “trendet” e tradhtisë

E ftuar në WakeUp ka qenë dedektivja e njohur shqiptare Shkënda Lili. Në fjalën e saj Lila ka treguar se tashmë kanë ndryshuar trendet e tradhëtisë. Sipas…