Një tjetër moment tensioni është regjistruar në shtëpinë e Big Brother Vip Albania. E sigurisht protagonist ka qenë Gjesti! Kësaj here këngëtari është kërcënuar nga një tjetër banori i shtëpisë, nga Xumi.

Teksa po qëndronin në një nga ambientet e shtëpisë, Gjesti me qëllim për ta ngacmuar Xumin ia hodhi shapkat në drejtim të tij. Ky gjest i këngëtarit nuk i pëlqeu aspak influencierit i cili iu drejtua me tone të ashpra duke i thënë: “Të mbaj në ajër legen, mos ma hidh mua shapkën ashtu. Kalama b*the”.

I gjithë ky episod u regjistrua para syve të Eglit, banores ndaj të cilës kanë shprehur pëlqim të dy konkurrentët, si Xumi, po ashtu dhe Gjesti.

E teksa ndaj Xumit, Egli e ka thënë “troç” që nuk ndjen asgjë dhe nuk e sheh më shumë se shok, për Gjestin ajo ka shprehur simpati, madje na ka lënë të kuptojnë se më vonë një histori dashurie mund të lindtë mes tyre.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.