Një infermiere e cila ishte përgjegjëse për kujdesin ndaj pacientëve me sëmundje të rënda dhe të pashërueshme u dënua sot me burgim të përjetshëm nga një gjykatë gjermane për vrasjen e 10 pacientëve të cilëve u injektoi injeksione vdekjeprurëse, si dhe për tentativën e vrasjes së 27 personave të tjerë.
Prokuroria pretendoi se kjo infermiere në shërbimin e kujdesit paliativ u injektonte pacientëve të saj të moshuar qetësues dhimbjesh ose qetësues në mënyrë që ta bënte më të lehtë për veten të punonte në turnin e natës, raporton Reuters.
“Krimi i saj u konsiderua veçanërisht serioz”, tha një zëdhënës i gjykatës në Aachen, duke lënë të kuptohet se infermierja e dënuar ka pak shanse të lirohet pas 15 vitesh, dënimi minimal me burg për dënime të përjetshme në Gjermani.
Infermierja kreu krimet midis dhjetorit 2023 dhe majit 2024 në një klinikë pranë Aachen në Gjermaninë perëndimore.
