Gazetari, Almer Toska, tha se kryeministri Edi Rama mori një mesazh nga qytetarët vlonjatë, ku sipas tij, shumica e këtyre të fundit bojkotuan procesin sot. Toska theksoi se shtatorin e ardhshëm mund të ketë përsëri zgjedhje në Bashkinë e Vlorës.

“Vlora nga 130 mijë banorë kanë votuar vetëm 13 mijë votues. Pra administrata dhe familjarët e tyre. Patronazhimi i votës është bërë vetëm në këtë pjesë. Ky mesazh nga Vlora është mesazh për Edi Ramën.

Sot Vlora ka refuzuar Edi Ramën dhe kandidatin e tij. Kandidatët që ka vendosur Rama në Vlorë vijnë prej një ish-drejtueseje të Spitalit të Vlorës. Rreth kandidates së Vlorës ka njerëz me rekorde kriminale. Vëllai i Bruna Mersinit është i dënuar në Belgjikë me precedent penal.

Duke parë këtë qasje, qytetarët e Vlorës nuk janë pyetur se kë do të votojnë dhe nuk janë marrë parasysh kërkesat e tyre. Por atyre u është vendosur një person me rekorde. Ka rrëmbyer pronën e një qytetari. Dhe për këtë ka një hetim nga SPAK që do t’ia japë lajmin.

Unë mendoj që në shtator do të kemi përsëri zgjedhje në Vlorë. Bruna Mersini do ta marrë mandatin por nuk do ta gëzojë, sepse hetimi që ka nisur ky qytetar do ta çojë atë drejt arrestit.”, tha Toska.