Një ngjarje tronditëse ka ndodhur në qytetin e Guatemalës, ku ish-kandidati për kryetar bashkie, Jose Elias Ramirez, është ekzekutuar në mes të ditës. Vrasja ndodhi mëngjesin e 8 nëntorit, kur kamerat e sigurisë kapën momentin e sulmit brutal. Dy autorët e vrasjes, të veshur si punëtorë, dolën nga një makinë dhe hapën zjarr ndaj Ramirez dhe partneres së tij, Anna Maria Andres.
Ramirez dhe Andres u qëlluan disa herë, ndërkohë që pas disa sekondash, autorët mbuluan trupin e Ramirez me xhaketën e tij dhe u larguan nga vendi i krimit, në drejtim të panjohur. Ky akt i tmerrshëm ka lënë të shokuar dhe të tronditur shumë qytetarë të Guatemalës.

Tetë orë pas vrasjes, Policia Kombëtare e Guatemalës gjeti makinën që ishte përdorur nga vrasësit. Ajo ishte një automjet i raportuar si i vjedhur më 22 maj 2025, një detaj që mund të ndihmojë në hetimin e ngjarjes dhe zbardhjen e rrethanave të krimit.

Jose Elias Ramirez ishte një biznesmen i njohur dhe pronar i kompanisë Constructora D&D Ramirez y Hernandez. Në vitin 2023, ai mori pjesë në zgjedhjet për kryetar bashkie të qytetit El Tejar, duke përfaqësuar partinë Cabal, por nuk arriti të fitonte. Vrasja e tij ka tronditur jo vetëm botën e biznesit, por edhe skenën politike të vendit

VIDEON NUK PO E POSTOJME PASI JANE PAMJE SHUME TE RENDA!