Një ngjarje e rëndë është regjistruar të martën pasdite në Greqi ku për pasojë ka humbur jetën një fëmijë 3-vjeçar. Mësohet se viktima ka humbur jetën pasi ka rënë nga ballkoni i banesës së bashku me 25-vjeçarin që po e mbante në krahë.

Sipas gjyshit të djalit, 25-vjeçari teksa mbante djalin në krahë goditi një cep të një ballkoni, u trullos dhe ra në boshllëk.

“Fëmija ishte i shqetësuar dhe qante. 25-vjeçari e mori në krahë për ta çuar një shëtitje që ta qetësonte. E mori fëmijën në krahë dhe, ndërsa po ecte, goditi kokën në buzë të ballkonit, u trullos dhe ra me fëmijën në krahë nën gardh”, shpjegoi gjyshi i fëmijës.

Fëmija ka rënë me kokë, duke rezultuar në lëndime të rënda në kokë. Ai u transportua i plagosur rëndë në spital ku u intubuan menjëherë. I mituri më pas pësoi një atak kardiak i cili i mori edhe jetën.

I afërmi u plagos gjithashtu gjatë rënies dhe u dërgua në spital. Ndaj tij u ngrit një padi për vrasje nga pakujdesia dhe ai u arrestua nga autoritetet.