McCaughey septuplets, të lindur në Iowa të SHBA-së në vitin 1997, u kthyen në simbol të shpresës dhe përparimit mjekësor, pasi ishte hera e parë që të gjithë shtatë foshnjat mbijetuan.

Familja u bë lajm global, duke marrë mijëra letra, dhurime dhe mbështetje nga çdo cep i botës.

Sot, të rinjtë që dikur peshonin më pak se një kilogram secili, kanë ndërtuar jetët e tyre të pavarura. Shumica prej tyre vijojnë studimet universitare ose kanë nisur karriera profesionale, megjithëse secili ka zgjedhur një rrugë të ndryshme.

Disa prej tyre preferojnë privatësinë, duke qëndruar larg vëmendjes mediatike, ndërsa të tjerë kanë folur hapur për jetën e tyre dhe sfidat që kanë kaluar si pjesë e një familjeje unike.

Prindërit e tyre, Bobbi dhe Kenny McCaughey, thanë se rritja e shtatë fëmijëve të së njëjtës moshë ishte një sfidë e jashtëzakonshme, por edhe një bekim i madh. Ata kujtojnë ditët kur media rrethonte shtëpinë e tyre, ndërsa familja përpiqej të ruante normalitetin për fëmijët. Pavarësisht presionit publik, prindërit mbetën të fokusuar tek edukimi, siguria dhe mbështetja e secilit prej shtatëçinëve.

Në 25-vjetorin e lindjes, disa prej septupletëve kanë folur për eksperiencën e tyre unike, duke theksuar se pavarësisht famës së hershme, janë rritur si çdo fëmijë tjetër. Disa kanë pasur sfida shëndetësore gjatë fëmijërisë, por me ndihmën e mjekëve arritën të kapërcejnë vështirësitë. Sot ata ndjekin pasione të ndryshme – nga studimet teknologjike, te ushtria, te arsimi dhe arti.

Historia e shtatëçinëve McCaughey vazhdon të emocionojë opinionin publik, jo vetëm për faktin se është një nga mrekullitë më të rralla mjekësore, por edhe për forcën, unitetin dhe vendosmërinë e kësaj familjeje. Ndërsa kanë hyrë në moshën e rritur, secili prej tyre ka treguar se kur vjen puna tek ëndrrat dhe qëllimet personale, numri nuk të përcakton – ata mbeten 7, por me 7 rrugë të ndryshme suksesi,