Ngjarja e rëndë e ndodhur në Greqi, ku u v*ra dhe u d*ogj brenda një makine qytetari shqiptar Sulo Halili, po zbardhet gradualisht nga dëshmitë e familjarëve. Halla e viktimës ka treguar detaje të reja rreth marr*dhënieve familjare dhe kërcënimeve që, sipas saj, Sulo kishte marrë para vr*sjes.

Sulo Halili ishte i martuar prej katër vitesh me bashkëshorten e tij, Esmeraldën, me të cilën kishte dy fëmijë, një vajzë dhe një djalë 40 ditësh. Familjarja rrëfen se Esmeralda ka pasur një marr*dhënie të mëparshme, e cila ishte ndërprerë para martesës me Sulon, dhe se ish-partneri i saj ishte nipi i hallës së viktimës.

Sipas dëshmisë, pikërisht daja i ish-partnerit të Esmeraldës kishte kërcënuar Sulon, duke e akuzuar se “i kishte marrë nusen” nipit. Familjarët pohojnë se Sulo kishte marrë mesazhe kërcënuese, përfshirë shprehjen “do të djeg”, por nuk kanë informacion të plotë nëse ai i kishte raportuar këto kërcënime.

Halla e viktimës theksoi se nipi i saj nuk ishte person problematik dhe se ditën e fundit ai kishte njoftuar bashkëshorten se do të largohej për një çështje të lidhur me patentën. Ndërkohë, Esmeralda, e cila aktualisht ndodhet në gjendje të dobët shëndetësore pas një ndërhyrjeje kirurgjikale, ka dhënë deklarimin e saj në polici dhe nuk ka komunikuar me askënd tjetër nga familja.

Sulo Halili u shpall i zhdukur më 5 nëntor, ndërsa identiteti i trupit të gjetur brenda një automjeti të djegur u konfirmua përmes analizës së ADN-së. Sipas familjarëve, automjeti ku u gjet trupi ishte i vjedhur, ndërsa makina e Sulos u gjet rreth 30 minuta larg vendngjarjes.

Familja ende nuk ka informacione të plota mbi rrethanat e vrasjes dhe është në pritje të rezultatit të hetimeve nga autoritetet greke.