Gazetari Robert Papa ka denoncuar rrjetin e Edi Ramës dhe aleatëve të tij, duke theksuar se kryeministri shqiptar ndodhet nën presion të jashtëzakonshëm amerikan. Ai thekson rëndësinë e hetimeve të kreut të SPAK Altin Dumanit, i cili po ndjek gjurmët e parave të supozuara të pastra me miliona dollarë nga Shqipëria në Manhatan dhe parajsa fiskale: “Socializmi duket sikur nuk ka vdekur, kur në Amerikë mbahet gjallë në kështjellën e Edvin Ramës. Kështjella e tij po bie. Matahari, (Belinda Balluku) e cila përfaqëson interesat e Athinës dhe të Moskës (Lubia), do të marrë me vete vazhduesin e Enver Hoxhës. Ajo që ka shumë rëndësi është ajo që po ndjek Altin Dumani.

Njerëzit e FBI-së dhe të Departamentit të Drejtësisë janë tërësisht ndryshe nga koha e Blinkenit, presidentit faktik në katër vitet kur ishte Biden. Nuk është rastësi që Altin Dumani po ndjek paratë. Janë pastrime me miliona dollarë, me shifra të frikshme në Manhatan, nga parajsat fiskale. Lubia po kalon milionat aty ku Rama, ose ‘palloshi i gjatë’ siç thotë ajo, ka njerëzit e tij. Dan Bongino di çdo gjë”, u shpreh Papa.

Në analizën e tij Robert Pa tregon se Rama përballet me katër rrugë të qarta: dorëheqje, azil, largim ose prangosje. Papes e paralajmëron se, pavarësisht përpjekjeve të kryeministrit për të ruajtur imazhin e kapitalizmit, realiteti është se sistemin e kontrollojnë oligarkët dhe njerëzit e afërt me të. “E ndërsa Rama hiqet se ka krijuar një sistem kapitalist, jo, janë oligarkët, është byroja e re politike, është ajo Lubia Matahari e ndyrë, mediokre, me fjalor vulgar rrugaçëror, që vjedh 120 miliardë dollarë për 10 vjet – ku janë? I vodhën dhe pensioni është i kursyer. Inxhinieri është i lodhur, doktori i turpëruar. Të gjithë ndjehen të gjunjëzuar.

Ndaj nuk dalin masivisht ta heqin, ta tjerrin nga zyra, Mehmet Shehun, Kusarin global. Do të vijë, do të plasë. Dhe në qoftë se ajo gjykatë që quhet kushtetuese (kur ne kushtetutën e kemi të bërë nga grekët) do të mbronte dhe këtë radhë birin shpirtëror të Hoxhës, varianti i Bangladeshit do të dukej lule. Kjo që po bën Rama është socializëm i keq. Ai është i majtë. Po luan viktimën; e di se do ta heqin si qen të djathtët e Washingtonit. Ndaj po del tek nënvetëdija, po shan Amerikën, ti, ti kusari pa shpirt, që ke vjedhur atë popull të varfër dhe ke shitur interesat kombëtare. Po përgatit azilin drejt BE-së. BE-ja nuk ka asnjë forcë diplomatike ushtarake. Ta kam thënë 100 herë. T’i kanë kapur vjedhjet, miliona dollarë. Të kanë kapur ministrin e Mbrojtjes që shkon nga Athina e nga Moska.

Pse nuk e pret kush atasheun ushtarak tënd këtu apo ambasadorin që na shiste përralla se kishte ftuar Rubion? Nga të dhënat e mia, në vitin 2027, kur të jetë NATO, dhe do të vijë Trump, ti nuk do të jesh. Ti ke tre mundësi: dorëheqje, azil, largim, ose prangosje. Jo më kot media amerikane ‘Washington Examiner‘ tha: “Rama si Noriega”. Ti mund të kujtosh se u talle me Donald Trump, dhe kjo më tregon që ai e ka parë videon. Ndaj Altin Dumani është ndryshe, ndaj po të afrohet. Guxon ti dhe nuk takon përfaqësuesin e Donald Trump para se të vendosej qeveria. I nxore shefen e kabinetit, Bizhgën. Ku janë dukur Bizhga dhe Fuga? Janë ‘pentito‘ (të penduar)? Ti ke në shpirt anti-shqiptarizmin, por dhe anti-amerikanizmin. Ti fundin, ose të tmerrshëm ose tmerr pafund do të kesh, sepse e ke ndërtuar vetë. Ndërsa largohesha nga vendi im i bukur, Tirana, kaloi në rrugën drejt Rinasit një kadillak kryeministror.

Më thanë se ishte parashkruesja e librit të Kamalës, që zhytet në luksin dhe vjedhjet makabre — Nexhmija moderne. Nuk hyre aq rastësisht, siç thoshte Nano: “Të gjeta me thonj të paprerë”. Nuk qe rastësisht që ti dhe një tjetër, në ’97-ën, hidhnit vrer në ‘New York Times‘ duke bërë etiketa nga më të ndyrat, ‘malokët’. Ti që doje të ndaje Shqipërinë. Koha ka kaluar, duhet t’i kishe ikur me turp. Dosjet i ke masive. Ajo e Sinaloas i vë pikën. Të kanë gjetur vargun e kalimeve me miliona e miliona dollarë. Natyrisht që Amerika nuk harxhon kohë shumë për një lider global të vogël të një fshati, por kur ti puthesh me Beogradin, luan me Moskën dhe me Athinën, dhe kur zhytesh në luksin e vendeve arabe, nuk do të të falë askush”, shprehet Robert Papa ndër të tjera,