Merr fund dilema, Vesa Vllasaliu dhe futbollisti i njohur, Mirlind Daku, pritet së shpejti të bëhen prindër për herë të parë. Pas lajmit që qarkulloi disa javë më parë lidhur me shtatzëninë e Vesës, tashmë është konfirmuar edhe gjinia e foshnjës.

Çifti, i cili njihet për ruajtjen e privatësisë dhe distancimin nga vëmendja mediatike, kishte organizuar një “gender reveal” të thjeshtë dhe intime, larg syrit të publikut, të pranishëm vetëm familjarët dhe miqtë e afërt.

Ndonëse ata nuk ndanë pamje nga momenti emocional, burime të sigurta për Prive konfirmuan se Vesa dhe Mirlindi janë në pritje të një vajze. Ky lajm ka gëzuar fansat e çiftit, të cilët prej kohësh kanë vërejtur lidhjen e tyre të qëndrueshme dhe harmonike. Me këtë konfirmim, pritja e ëmbël e Vesës bëhet edhe më e veçantë, ndërsa dyshja po përgatiten të mirëpresin anëtaren më të re të familjes.

Edhe pse për më shumë se një vit e mbajtën të fshehtë romancën mes tyre, ishte vetë Vesa ajo, e cila konfirmoi lidhjen në përvjetorin e tyre, duke publikuar një foto të luleve që Daku i kishte dhuruar dhe disa foto duke u puthur. Tashmë çifti nuk ka nguruar të ndaj foto krah njëri-tjetrit dhe sidomos Vesa, e cila në rrjetet sociale ka deklaruar se është nuse Gjilani.

Së fundmi, në një sesion pyetje-përgjigje në rrjetet sociale, një ndjekës e ka pyetur modelen: “A do të bëhesh nuse në Tetovë?”, por përgjigjja e Vesës ka qenë e qartë dhe e drejtpërdrejtë: “Jam nuse në Gjilan”.

Fakti që tashmë lidhja e tyre është bërë familjare kaq shpejt, na i shton dyshimet për një shtatzëni të mundshme. Vetë modelja ka publikuar në rrjetet e saj sociale, foto e video nga familja e partnerit të saj. Madje në postimin e fundit, Vesa e quan burri im Mirlindin, duke na zbuluar edhe planet që mund të kenë. Që në nisje të lidhjes, të dy u përfshinë në disa probleme që përjetuar, por duket se shpejt e gjetën rrugën e paqes dhe dyshja ka nisur bashkëjetesën.

Vesa shfaqet gjithmonë e buzëqeshur dhe e lumtur pranë familjes së partnerit të saj, duke reflektuar një lidhje të fortë dhe të besueshme. Kjo është një dëshmi se ajo ka arritur të integrohet mirë në jetën e tyre, një aspekt i rëndësishëm për çdo marrëdhënie të suksesshme.