Kryeministri Rama ka folur sërish për rritjen e pagave dhe pensioneve që pritet të ndodhë në vitin 2026. Ai e quajti vitin e ardhshëm një vit që “nis me mbarësi”, duke theksuar se do të ketë një rritje historike në të ardhurat e qytetarëve.
“Gjatë dëgjesave publike kemi paraqitur në detaje buxhetin e ri, i cili do të sjellë përfitime të ndjeshme për shqiptarët, veçanërisht në paga dhe pensione. Investimet publike do të vazhdojnë të rriten, duke krijuar një nivel të ri zhvillimi për vendin. Ky ndryshim do të ndihet çdo vit e më shumë në jetën e përditshme të qytetarëve – të punonjësve në sektorin publik dhe privat, të pensionistëve, si dhe të shtresave më në nevojë, për të cilat mbështetja sociale po rritet vazhdimisht.
Besimi i madh që morëm me 83 mandate na obligon të punojmë edhe më fort për objektivin ‘Shqipëria 2030’. Qytetarët jo vetëm e meritojnë këtë progres, por do të përfitojnë gjithnjë e më shumë, sepse përgjegjësia ndaj tyre është e madhe”, tha Rama,
