Orët e para të mëngjesit të datës 14 Nëntor 2025 nuk kanë qenë edhe aq të qeta për operatorët e Aeroportit “Nënë Tereza” në Tiranë, kur një avion “Hercules” i shërbimit të inteligjencës së jashtme të Amerikës ka zbarkuar në Rinas.

Avioni Lockheed LM-100J Hercules i regjistruar në emër të kompanisë “Pallas Aviation” është nisur nga baza ushtarake e Amerikës në Gjermaninë Jugperëndimore, është ulur në Rumani dhe më pas në Tiranë.

Kompania që operon këtë avion civil, pretendohet në shumë raporte botërore se është një kompani kontraktuese qeveritare amerikane e lidhur me Tepper Aviation, një kompani aviacioni që dyshohet se vepron ngushtësisht me Agjencinë Qendrore të Inteligjencës (CIA).

Itinerari i avionit ka ngjallur dyshime, për aterimin në Rumani dhe më pas në Tiranë, si dhe për qëllimin e zbarkimit në tokën shqiptare, duke marrë parasysh funksionalitetin e një Lockheed LM-100J Hercules.

Lockheed Martin LM-100J Hercules ofron shkathtësi të pakrahasueshme për ngarkesa të mëdha, ndihmë humanitare (zjarrfikës, ndihmë mjekësore), naftë/gaz dhe logjistikë minerare, i njohur për operimin nga fusha të vështira me teknologji moderne si motorë Rolls-Royce dhe helika të përparuara.

CIA është është një shërbim civil i inteligjencës së jashtme i qeverisë federale të Shteteve të Bashkuara i ngarkuar me avancimin e sigurisë kombëtare përmes mbledhjes dhe analizimit të inteligjencës nga e gjithë bota dhe kryerjes së operacioneve të fshehta.

Kurse Baza Ajrore Ramstein nga e cila është nisur avioni është një instalim i Forcave Ajrore të Shteteve të Bashkuara i vendosur në Rheinland-Pfalz, në Gjermaninë jugperëndimore, e cila shërben si seli e Forcave Ajrore të Shteteve të Bashkuara në Evropë – Forcat Ajrore të Afrikës (USAFE-AFAFRICA) dhe Komandës Ajrore Aleate të NATO-s (AIRCOM).

Baza luan një rol kyç në mbështetjen e operacioneve ushtarake të avancuara, veçanërisht atyre që dislokohen në Evropën Lindore dhe Afrikë./Newsbomb.al