Një USB me rreth 6500 mesazhe telefonike dhe dokumente komprometuese, e depozituar në kasafortën e Kuvendit, ka vënë në lëvizje skenarin më të fortë politik të viteve të fundit. Sipas Prokurorisë së Posaçme (SPAK), përmbajtja e saj hedh dritë mbi një skemë të dyshuar korrupsioni që përfshin ministren e Infrastrukturës dhe Energjetikës, Belinda Balluku, si dhe vartës të saj e zyrtarë të tjerë publikë.

? Çfarë përmban USB-ja?

Burime nga grupi hetimor bëjnë me dije se mesazhet dhe dokumentet përputhen me prova shkresore dhe lidhen me manipulimin e të paktën 11 procedurave tenderuese, ku dyshohet për paracaktim fituesish dhe korrupsion aktiv.

Hetimet nuk kufizohen vetëm te Unaza e Madhe, por shtrihen edhe në:

rrugën Thumanë–Kashar (245 milionë euro), Porto Romano–Durrës (12 milionë euro), mirëmbajtjen e akseve të veriut (rreth 440 mijë euro).

? Apartamente dhe jahte në këmbim të tenderave?

Sipas SPAK, ekziston dyshimi se në këmbim të kontratave publike janë shpërndarë apartamente, të regjistruara me emra të tretë për të fshehur përfitimet e paligjshme. Po ashtu, në komunikime përmenden edhe mjete lundrimi luksoze – jahte, çka ka hapur pista të reja hetimi për pasurim të paligjshëm.

?? Presione edhe pas statusit të të pandehurit?

Prokuroria pretendon se Balluku dyshohet se ka ushtruar presione ndaj një vartësi, edhe pasi ai kishte marrë statusin e të pandehurit dhe pa u pezulluar ende nga detyra – një element që rëndon më tej pozitën e saj ligjore.

?? Kuvendi në vendim historik

USB-ja tashmë ndodhet në Kuvend dhe pritet të shërbejë si bazë kyçe për vendimin mbi heqjen e imunitetit dhe mundësinë e arrestimit të ministres. SPAK, nën drejtimin e Dritan Prençit, argumenton se provat e reja rrisin rrezikun e pengimit të drejtësisë dhe përsëritjes së veprave penale, ndaj kërkohen masa më të forta sigurie, përfshirë ndalimin e daljes jashtë vendit.

? A do të jetë kjo dosja që rrëzon një nga figurat më të forta të qeverisë?

Vendimi pritet dhe tensioni politik sapo ka nisur