Hiromancia (leximi i pëllëmbës së dorës) është një formë parashikimi që është trashëguar brez pas brezi. Ajo është përdorur për herë të parë në Kinë dhe Indi para më shumë se 5.000 vitesh. Duke lexuar vijat e dorës, njerëzit përpiqen të parashikojnë se çfarë mund të ndodhë në të ardhmen. Thuhet gjithashtu se disa prej këtyre vijave sjellin fat për personin që i ka. A e dallon dot?

Në dorë shihen qartë tre vija kryesore, të cilat janë më të gjata dhe më të dukshme se të tjerat.

Vija e zemrës ndodhet në pjesën e sipërme të pëllëmbës

Vija e mendjes është në mes

Vija e jetës ndodhet poshtë

Këto vija mund të ndryshojnë me kalimin e kohës, sipas personalitetit, emocioneve dhe përvojave që kalon njeriu. Por çfarë kuptimi kanë në të vërtetë këto vija të njohura?

Vija e jetës

Siç e tregon edhe emri, ajo lidhet me jetën dhe ngjarjet kryesore të saj.
Fillon mes gishtit të madh dhe treguesit dhe rrethon gishtin e madh. Nëse është e gjatë dhe e qartë, tregon një jetë relativisht të qëndrueshme.
Megjithatë, gjatësia e vijës nuk tregon domosdoshmërisht sa do të jetosh.

Nëse vija ndërpritet, kjo mund të tregojë rrezikun e një ngjarjeje të madhe që mund ta ndryshojë rrjedhën e jetës. Sipas hiromantëve, për të përcaktuar kohën e kësaj ngjarjeje, vija ndahet në vite: mesi i vijës përfaqëson mesin e jetës.

Vija e zemrës

Kjo është një nga vijat për të cilën njerëzit pyesin më shpesh.
Nëse është e gjatë, e drejtë dhe e qartë, tregon një histori dashurie të bukur dhe të gjatë, ose një jetë emocionale të qëndrueshme.
Nëse është e shkurtër, mund të nënkuptojë se personi ndonjëherë sillet ftohtë dhe mendon më shumë për veten.
Nëse vija ndërpritet, mund të tregojë fundin e një marrëdhënieje, përveç rasteve kur lidhet me probleme shëndetësore të zemrës.

Vija e mendjes

Kjo vijë lidhet me aftësitë mendore dhe intelektuale. Ajo fillon mes gishtit të madh dhe treguesit dhe shtrihet diagonalisht nëpër pëllëmbë.
Nëse është e qartë, tregon një mendje të kthjellët dhe të mprehtë.
Nëse është e drejtë, personi mendon në mënyrë logjike dhe racionale.
Nëse është e lakuar, tregon kreativitet dhe zgjuarsi.

Kjo vijë nuk mat inteligjencën, por tregon mënyrën se si mendon një person, bindjet e tij, moralin dhe këndvështrimin e përgjithshëm ndaj jetës.