Një debat i ri po qarkullon me shpejtësi në rrjetet sociale, duke vënë në qendër dy emra të njohur të muzikës franceze, Zaho dhe Moha K, si dhe hitin e ri shqiptar “A Je” nga Bardhi. Shkak është bërë publikimi i sekuencave të para të projektit të tyre të ri muzikor me titull “Sayer”.

Sipas reagimeve në rrjet, tingujt dhe vija melodike e këngës së re “Sayer” paraqesin një ngjashmëri të theksuar me baladën “A Je”, e cila u shndërrua në një sukses të madh për Bardhin, duke grumbulluar dhjetëra miliona klikime. Kritikat nuk lidhen thjesht me frymëzim artistik, por me atë që disa e cilësojnë si një përputhje pothuajse identike të strukturës melodike.

Deri në këtë moment, nuk ka asnjë kreditim publik për autorët shqiptarë dhe as ndonjë sqarim zyrtar nëse bëhet fjalë për një huazim të autorizuar. Kjo ka ngritur pikëpyetje mbi respektimin e të drejtave të autorit dhe mënyrën se si është përdorur prona intelektuale.

Çështja ka ngjallur reagime të shumta, veçanërisht për faktin se bëhet fjalë për artistë me peshë të madhe në industrinë muzikore ndërkombëtare. Mbetet për t’u parë nëse do të ketë një reagim zyrtar nga palët e përfshira apo ndonjë zhvillim ligjor lidhur me këtë situatë,