Burrat e dënuar deri në 3 vite burg, ose me dënime më të lehta, për vendime penale të dhëna deri më 31 dhjetor 2025.
Gratë e dënuara deri në 4 vite burg, ose me gjobë apo dënime alternative, për të njëjtën periudhë.
Personat që kanë ende për të vuajtur deri në 3 vite burg (burrat) dhe 4 vite burg (gratë).
Amnistia përfshin gjithashtu të moshuarit, konkretisht burrat mbi 60 vjeç dhe gratë mbi 50 vjeç, si dhe të rinjtë që kanë qenë 18 vjeç ose të mitur në momentin e kryerjes së veprës penale.
Nga përfitimi i amnistisë përjashtohen personat që i janë shmangur drejtësisë, si edhe ata që po gjykohen nga Gjykata Kundër Korrupsionit dhe Krimit të Organizuar (GJKKO).
Drafti përjashton shprehimisht nga amnistia krimet e rënda, ndër të cilat:
Krimet kundër njerëzimit
Krimet kundër jetës të kryera me dashje
Veprat penale kundër shëndetit me dashje
Krimet seksuale
Veprat kundër fëmijëve, martesës dhe familjes
Krimet kundër pasurisë dhe ekonomisë, përfshirë korrupsionin, falsifikimin, organizatat kriminale dhe terrorizmin
Krimet kundër lirisë së personit, moralit, mjedisit, pavarësisë dhe rendit kushtetues
Krimet kundër zgjedhjeve, autoritetit të shtetit dhe drejtësisë
Për personat që nuk përjashtohen nga amnistia, parashikohet ulje dënimi:
1 vit e gjysmë për gratë dhe të miturit
1 vit për burrat
Nga ulja e dënimit përjashtohen:
Dënimet me burgim të përjetshëm
Krimet e rënda të veçanta, si vrasja me dashje, krimet e rënda seksuale dhe veprat penale të kryera nga banda apo organizata kriminale
Sipas të dhënave zyrtare, më shumë se 10 mijë persona pritet të përfitojnë nga Amnistia Penale. Mbi 7,700 prej tyre janë të përfshirë në procedime për drejtim të parregullt të automjeteve. Vetëm pak më shumë se 1,300 persona janë të dënuar, nga të cilët 380 do të lirohen, ndërsa rreth 900 do të përfitojnë ulje dënimi.
Ndërkohë, duke marrë parasysh kritikat e përsëritura të kryeministrit Edi Rama, pritet që në vijim të ketë edhe ndryshime ligjore lidhur me masën e paraburgimit për veprat penale të lehta, edhe pse drafti aktual nuk parashikon një dispozitë të posaçme për këtë çështje.
Ministri i Drejtësisë, Besfort Lamallari, ka deklaruar se paraburgimi nuk duhet të aplikohet për veprat penale me dënim deri në 2 vite burg, ndërsa për veprat më të rënda, masa duhet të vlerësohet rast pas rasti
