Kryeministri Edi Rama ka publikuar pamje nga operacioni i Inspektoratit Kombëtar të Mbrojtjes së Territorit në Theth, ku po shemben disa ndërtesa të ndërtuara pa leje.
Në një postim, Rama e cilëson si një “krim të shumëfishtë” ndërtimin pa leje në një nga zonat më të bukura natyrore të vendit.
“Kjo është fusha e mrekullueshme e Thethit, ku një kriminel, që as nuk ka kurajon të shfaqet ndërkohë që IKMT po zbaton ligjin, ka hedhur betonin e dynjasë për të ndërtuar ‘fshatin e tij turistik’ pa asnjë leje,” shkruan Rama.
Kryeministri akuzon edhe organet e drejtësisë, konkretisht prokuroren Elsa Gjeli se ka refuzuar të hetojë rastin. “Një krim i shumëfishtë për të cilin një prokurore e quajtur Elsa Gjeli ka refuzuar të hapë çështjen, duke hedhur në kosh denoncimin e Policisë së Shtetit,” shkruan ai.
