Tërmet tragjik në Guatemalë, të paktën dy të vdekur pas rrëshqitjes së dheut

Guatemala është goditur nga një tërmet i fuqishëm me magnitudë 5.7 të shkallës Rihter, i cili u regjistrua në orët e para të mëngjesit në jug të vendit. Tërmeti kishte një hipoqendër vetëm 9 kilometra në thellësi të tokës, gjë që e rriti fuqinë shkatërruese të lëkundjeve në sipërfaqe. Epiqendra e tërmetit ndodhej pranë San Vicente Pacaya, në departamentin e Escuintla.

Sipas autoriteteve vendase, të paktën dy persona kanë humbur jetën si pasojë e këtij tërmeti. Viktimat ishin brenda një automjeti kur një rrëshqitje dheu, e shkaktuar nga lëkundjet sizmike, i zuri poshtë. Trupat e tyre u nxorën nga autoritetet e emergjencës, të cilat janë në terren për të vlerësuar dëmet dhe për të ndihmuar banorët e zonave të prekura.

Përveç goditjes fillestare, janë regjistruar edhe të paktën tre dridhje të tjera të forta pasuese, të cilat kanë shkaktuar panik në mesin e popullatës dhe janë ndjerë edhe në El Salvadorin fqinj.

Autoritetet kanë bërë thirrje për vigjilencë dhe kujdes, veçanërisht në zonat malore dhe me terren të rrëshqitshëm, ku ekziston rreziku i rrëshqitjeve të tjera të dheut. Po ashtu, ekipet e shpëtimit dhe mbrojtjes civile janë në gatishmëri për çdo situatë emergjente.

Tërmetet janë të shpeshta në këtë rajon të Amerikës Qendrore, për shkak të vendndodhjes së tij në një zonë me aktivitet të lartë sizmik. Kujtojmë se edhe në të kaluarën, Guatemala ka përjetuar tërmete të fuqishme me pasoja fatale.

Vijojnë përpjekjet për vlerësimin e dëmeve dhe identifikimin e viktimave të mundshmE, do t’iu jemi mirenjohes nese do te na ndihmonit që të mirmbajmë faqen vetëm duke shtypur(mbi foton) që ndodhet më poshtë.Faleminderit për mirkuptimin SHQIPE