Çfarë kanë zbuluar shkencëtarët e Yale për efektet e vaksinave COVID-19 në trupin e njeriut?

Ekspertë nga Universiteti Yale kanë zbuluar një gjendje të re shëndetësore që duket se lidhet me vaksinat mRNA kundër COVID-19.

Ata e quajnë këtë gjendje “Sindroma pas vaksinimit” (PVS), dhe thonë se ajo mund të ndikojë në funksionimin e trupit.

Kjo sindromë përfshin disa simptoma të pakëndshme, si:

Lodhje ose paaftësi për të bërë ushtrime fizike,

Zhurmë në veshë (tinnitus),

Marramendje,

Mjegullim të mendjes (vështirësi në përqendrim dhe kujtesë).

Disa persona kanë përjetuar këto simptoma edhe disa vite pas marrjes së vaksinës dhe dozave përforcuese.

Studiuesit gjetën edhe ndryshime në sistemin imunitar të personave me këtë sindromë, si:

Nivele më të ulëta të disa qelizave mbrojtëse të gjakut (CD4+ T),

Nivele më të larta të qelizave të tjera inflamatore (CD8 T me TNF-alpha).

Gjithashtu, ata zbuluan se në disa raste, në gjakun e pacientëve gjendej ende proteina spike e koronavirusit, edhe shumë kohë pas vaksinës.

Sipas shkencëtarëve, kjo mund të jetë një nga arsyet që shkakton simptomat e vazhdueshme – megjithëse jo të gjithë pacientët me këtë sindromë kishin këtë proteinë në trup.

Përveç kësaj, u vu re se te disa persona kjo gjendje mund të “zgjojë” edhe viruse të vjetër si virusi Epstein-Barr, i cili mund të shkaktojë simptoma të ngjashme me gripin, probleme me nervat dhe enjtje të gjëndrave limfatike.