Pas disa bisedave, Arjani i premtoi t’i bënte patentë për 1200 euro, e cila rezultoi e falsifikuar. Pas kësaj Arjan Seferaj e mashtroi edhe për apartament, duke i zhvatur shumën 16 mijë euro. Arjani i ka thënë se punon të FSHU-ja, por sa herë që zonja është përpjekur ta kontaktojë, ai është shmangur duke sajuar arsye të ndryshme.

TIRANË- Më 30 prill të këtij viti emisioni “Stop” në Tv Klan solli në vëmendje një tjetër rast mashtrimi nga njohjet online. Qytetarja e drejtuar në redaksi tha, se kishte marrë një patentë false për të cilën kishte dhënë 1200 euro. Ajo jeton në Itali dhe në vitin 2023 është njohur në Facebook me shtetasin Arjan Seferaj.

Pas disa bisedave, Arjani i premtoi t’i bënte patentë për 1200 euro, e cila rezultoi e falsifikuar. Pas kësaj Arjan Seferaj e mashtroi edhe për apartament, duke i zhvatur shumën 16 mijë euro. Arjani i ka thënë se punon të FSHU-ja, por sa herë që zonja është përpjekur ta kontaktojë, ai është shmangur duke sajuar arsye të ndryshme.

Në një audioregjistrim që zonja e disponon, Arjan Seferaj pranoi se ka marrë lekët dhe do të dorëzojë çelësat e apartamentit, por kjo nuk ndodhi. Pas transmetimit të emisionit “Stop”, Arjani u paraqit në Klan ku ktheu 16 mijë eurot e zonjës. Kjo e fundit u shpreh se pa stafin e emisionit ato lekë i kishte të humbura./tvklan.al