Pas kërkimeve të vazhdueshme që nisën mëngjesin e sotëm, polumbarët e Repartit Special “RENEA” kanë arritur të nxjerrin nga rezervuari trupin e pajetë të 56-vjeçarit N. N., banues në fshatin Gëziq, i cili dyshohej se ishte vetëmbytur.
Sipas informacionit zyrtar të Policisë, nga këqyrja paraprake e trupit nuk janë konstatuar shenja dhune apo dëmtime të tjera të dukshme. Trupi i viktimës do të dërgohet në Institutin e Mjekësisë Ligjore për ekzaminime të mëtejshme, me qëllim përcaktimin e saktë të shkakut të vdekjes.
Familjarët e viktimës kanë deklaruar para autoriteteve se ai vuante nga probleme të shëndetit mendor, çka përforcon dyshimet për vetëvrasje.
Grupi hetimor po vijon punën për zbardhjen e plotë të rrethanave të ngjarjes.
