Një ngjarje e rëndë ka ndodhur ditën e sotme në fshatin Pla të Hasit, ku 41-vjeçari Ylber Jaku ekzekutoi me armë zjarri 34-vjeçarin Rushit Sallahu. Por siç duket Ylber Jaku, autori i vrasjes e kishte paralajmëruar krimin.
Në rrjetin social facebook, ai ka postuar foto me mbishkrime ku lajmëron drejtësi në emër të Allahut. Si një njeri që beson në fenë islame, Jaku thotë se kur injorohet drejtësia, ai duhet të bëjë drejtësi.
Gjithashtu Ylber Jaku jetonte në Angli, por pas konfliktit në të cilin ishin dhunuar prindërit e tij një ditë më parë, ka prerë biletën dhe më pas ka mbërritur në Has, aty ku edhe ka kryer vrasjen.
