Dikur ishte ndër personat më të komentuar. Veçanërisht në tre sezonet e formatit “Hell’s Kitchen”, shef Renato Mekollin mund ta shihje kudo.
Në ekran, në Youtube, në Tiktok, me rreptësinë e tij kundrejt konkurentëve që ishte komentuar shumë.
Por, pandemia e zhduku në tërësi nga syri i publikut. Me të përfunduar sezonet e formatit, ai nuk u bë më “i gjallë”.
Llogaria e tij në Instagram është aktive por postimi i fundit mbetet ai i janarit 2021 duke bërë që ndjekësit të hamendësojnë mbi gjendjen e Renatos, të shqetësuar.
Pasi mbylli restorantin e tij “Umami”, për një periudhë kohore, larg syrit të publikut, Mekolli ka punuar në një tjetër restorant në Tiranë.
Ndërkohë, ndjekësit kanë gjetur më në fund detaje mbi atë se ku është tani Renato.
Shefi po punon prej kohësh në një restorant në Greqi. Biznesi ka publikuar edhe disa fotografi të tij që janë bërë virale në TikTok.
