Vazhdon prej disa ditësh situata e tensionuar në Qarkun e Dibrës, aty ku Edi Rama është shprehur i sigurt se PS-ja do të fitojë për herë të parë në zgjedhjet e përgjithshme.
Burime për mediat bëjnë me dije se një grup simptaziantësh të PD-së kanë bllokuar një automjet në fshatin Tomin të Dibrës, ku pretendojnë se po shkonte në zonat e thella.
Sipas demokratëve, personat që ndodheshin brenda automjetit do të shpërndanin para dhe tollona nafte në këmbim të votave për PS-në në zonat e thella të Dibrës. Burime bëjnë me dije se mes dy grupimeve nuk kan munguar as përplasjet fizike.
Mësohet se Policia dhe Prokuroria janë nisur drejt vendit të ngjarjes për të ushtruar kontroll në automjet.
