Sezoni i ri i emisionit “Goca & Gra” nis sot në mbrëmje dhe vjen me ndryshime të dukshme në panelin e moderimit, por edhe me të ftuar që pritet të ndezin debatet që në puntatën e parë.
Këtë sezon, Rudina Dembacaj dhe Egla Ceno do të kenë përkrah Gerta Gixharin, Loredana Bratin dhe Kleoniki Delijorgjin.
Por nuk mbaron me kaq.
I ftuari i parë i këtij sezoni është vetë fituesi i “Big Brother VIP Albania 4”, Gjesti (Besart Kelmendi). Një hyrje e fortë për një start të fortë.
Pas fitores që shkaktoi reagime të shumta në rrjet dhe diskutime në opinion publik, pritet me shumë interes të shihet si do të përballet Gjesti me pyetjet e “Gocave”, dhe nëse do të japë ndonjë koment më të thelluar për eksperiencën në shtëpinë më të famshme në Shqipëri.
