Sara Mila, 29-vjeçarja e panjohur për publikun e gjerë dhe me vetëm 7.500 ndjekës në rrjete sociale, është bërë emri më i përfolur i skenës politike pas zgjedhjeve të fundit. Ajo rezultoi si deputetja më e votuar në listat e hapura, duke mbledhur plot 18.599 vota, një shifër që ka lënë pas figura me peshë si Agron Malaj në Dibër apo Tërmet Peçi në Fier.

Por ndërsa të dhënat zyrtare flasin për një mbështetje të madhe popullore, prapaskenat janë shumë më të turbullta. Burime ekskluzive për JOQ Albania faktuan mënyrat e dyshimta se si Mila arriti këto rezultate në zgjedhje, teksa i shoqi ështl pronar i disa bizneseve që ka përfituar tendera publikë nga Rilindja.

Një fushatë e vrullshme 30-ditore e kandidates nga Elbasani kulmoi me fitoren me rezultat spektakolar votash që habiti një Shqipëri të tërë teksa akuza të shumta e vunë Milan në qendër të vëmendjes duke e etiketuar si kandidatja e bandave të Elbasanit.

Në përballje me këto akuza, Mila reagoi shkurt:

“Unë lajmet e rreme i ha për mëngjes.”

Një figurë pak e ndjekur dhe e ekspozuar, që pretendon se përfaqëson ‘sovranin’, Sara Mila mbetet një mister që ngre shumë pikëpyetje për transparencën e procesit elektoral dhe për influencën që strukturat joformale mund të kenë në rezultatin final të zgjedhjeve në Elbasan.