Një ngjarje rëndë ka ndodhur pasditen e djeshme në një fermë midis Solarolo dhe Castel Bolognese, ku një shtetas shqiptar ka humbur jetën pas një aksidenti të ndodhur gjatë punës me traktor.
Aksidenti ndodhi rreth orës 18:00, ndërsa familja e viktimës në pamundësi për të kontaktuar 38-vjeçarin, shkoi ta kërkonte.
Në vendngjarje u thirrën menjëherë shërbimet e urgjencës, por kur arritën aty ata nuk mund të bënin asgjë tjetër përveçse të konfirmonin vdekjen e tij.
Ende nuk është e qartë se si ka ndodhur aksidenti, por autoritetet gjyqësore kanë nisur hetimet për të zbardhur rrethanat.
